Türkiyədən İrəvana gələn deputat Sərkisyana: “Paşinyana kömək edək”

Ermənistanda səfərdə olan Türkiyə parlamentinin erməni deputatı Qaro Paylsan bu ölkənin keçmiş prezidenti Serj Sərkisyanla görüşüb.

Teleqraf.com xəbər verir ki, görüşdə deputatla eks-prezident arasında mübahisə yaşanıb.

Paylan görüşdə Sərkisyana Baş nazir Nikol Paşinyana kömək etməyi təklif edib və “milli birlik” tezisini irəli sürməyə çalışıb. Serj Sarkisyan Qaro Paylana sərt cavab verib: “Nədə kömək etməliyik, xəyanətinə?”.

Serj Sərkisyan onu da əlavə edib ki, Nikol Paşinyan Ermənistanın baş naziri olduğu müddətdə ölkənin durumu daha da pisləşəcək və bu, Qarabağ məsələsində ölkəyə yaxşı heç nə gətirməyəcək.