“ADEX-2016” müdafiə sənayesi sərgisi işə başlayıb

Bu gün Bakı Ekspo Mərkəzində ikinci “ADEX-2016” Azərbaycan Beynəlxalq müdafiə sənayesi sərgisi işə başlayıb.

Teleqraf.com-un məlumatına görə, açılış mərasimində müdafiə sənayesi naziri Yavər Camalov, prezidentin hərbi məsələlər üzrə müşaviri Vahid Əliyev, müdafiə naziri, general-polkovnik Zakir Həsənov, Dövlət Sərhəd Xidmətinin rəisi, general-polkovnik Elçin Quliyev, baş nazirin müavini Yaqub Eyyubov, Türkiyənin müdafiə naziri Fikri İşıq, digər rəsmi şəxslər, diplomatik korpusun nümayəndələri, hərbi attaşelər və xarici qonaqlar iştirak edir.

Sərgidə 34 ölkədən 216 şirkət, 19 ölkədən 25 rəsmi nümayəndə heyəti iştirak edəcək. Ziyarətçi şirkət və qurumlarla birlikdə sərginin coğrafiyası 44 ölkəni əhatə edir.

Sərgi sentyabrın 27-dən 30-dək davam edəcək.

Samir