“Nə qədər baş nazirəm, İsraillə əlaqələr mümkünsüzdür”

Türkiyə baş naziri İsrailin Qəzzadakı qətliamlarına sərt reaksiya verib.

Alınan məlumata görə, Türkiyə baş naziri R.T.Ərdoğan İsraili tənqid atəşinə tutub. Baş nazir məsələ ilə bağlı bunları deyib:

“İsrailin etdiklərini müsbət qarşılamağımız mümkün deyil. Bizim üç şərtimiz var idi. İlk maddəsi, yəni üzr istəmək təmin edilmişdi Təzminat danışıqları müsbətə doğru gedirdi. Embarqo məsələsi ilə bu hadisələr yenidən qızışdı.
Bu hücumların arxasında üç uşağın öldürülməsi dayanmır. Uşaqları ən yaxşı İsrail öldürür. İsrail eyni zülmə davam edir. Buradan İslam dünyasına səslənirəm. İsrailə qarşı mövqeyini sərtləşdirmədiyi müddətcə bu problem davam edəcək.

Onsuz da bizim İsraillə əlaqələrimiz sıfır səviyyəsindədir. Bu əlaqələri normallaşdırmaq üçün üç maddəlik şərt irəli sürmüşdük. Bundan sonra isə münasibətlərin normallaşması mümkün deyil.

Nə qədər ki, mən vəzifədəyəm İsrail ilə yaxşı əlaqələr düşünmək olmaz. Qərb nə düşünürsə düşünsün”.

/ Sabah/