Lənkəranda qəza baş verdi - İki nəfər yaralandı

Lənkəranda yol-nəqliyyat hadisəsi baş verib.

"Teleqraf"ın cənub bürosunun verdiyi məlumata görə, hadisə Lənkəran-Lerik magistral yolunun Lənkəranın Kərgəlan kəndindən keçən ərazisində baş verib.

Belə ki, Hərəkətdə olan "Lada Priora" minik avtomobili "KİA Optima" markalı minik avtomobili ilə toqquşub.

Qəza nəticəsində iki nəfər xəsarət alıb. Yaralanan 1996-cı il təvəllüdlü Xaliq Heybət oğlu İsmayılzadə arterial hipertanziya, döş qəfəsinin küt travması, digər zərərçəkmiş isə 1971-ci il təvəllüdlü Yeganə Abasət qızı İsmayılova burunun sınığı, döş qəfəsinin küt travması xəsarətləri ilə Lənkəran rayon Mərkəzi Xəstəxanasına hospitalizə ediliblər. Yaralılara zəruri ilkin tibbi xidmətlər göstərilib və müalicələri xəstəxanada davam etdirilir.

Faktla bağlı araşdırmalar davam etdirilir.