Cənubi Azərbaycanda 12 alpinist itkin düşdü

İranın Esalim və Xalxal dağlıq ərazisində 12 alpinist itkin düşüb.

Bu barədə İran Qızıl Aypara Əməliyyatlar İdarəsinin sədr müavini Şahin Fethi deyib.

O bildirib ki, alpinistlərin itkin düşdüyü ərazidə şiddətli qar yağıntısı müşahidə edilir.

Fəthi 4 axtarış-xilasetmə qrupunun və yerli əhalinin iştirakı ilə bölgədə axtarışların başlanıldığını vurğulayıb.

Qeyd edək ki, sözügedən dağlıq ərazi Ərdəbil və Gilan ostanları arasında yerləşir.