Ağcabədi sakini qayınatasının evini atəşə tutdu - Şok olay

Ağcabədi rayonunda silahlı insident olub.

Daxili İşlər Nazirliyinin mətbuat xidmətindən Teleqraf.com-a verilən məlumata görə, iyunun 25-də Bakı şəhər sakini T.Quliyevin Ağcabədi şəhərinə gələrək orada yaşayan qayınatası M.Məmmədovun evinin istiqamətində tüfənglə atəş açması, xəsarət alan olmaması barədə Daxili İşlər Nazirliyinin “102 – Zəng Mərkəzi” Xidmətinə məlumat daxil olub.

Dərhal Ağcabədi rayon polis şöbəsinin əməkdaşları hadisə yerinə gəlib, müvafiq tədbirlər həyata keçirilib.

T.Məmmədov polis əməkdaşları tərəfindən saxlanılıb, ona məxsus “Ford” markalı avtomobilə baxış zamanı tüfəng aşkar edilərək götürülüb.

Faktla bağlı araşdırma aparılır.