Qubada silahlı şəxs tutuldu

Quba rayonunda silahlı şəxsin tutulması üçün əməliyyat keçirilib.

Teleqraf.com xəbər verir ki, Quba rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində qanunsuz odlu silah saxladığına görə saxlanılmış E.Əlibalayevdən odlu silah almaqda şübhəli bilinən Qarxun kənd sakini E.Şirvanov da müəyyən edilərək saxlanılıb.

Davam etdirilən tədbirlərlə onun yaşadığı evə baxış zamanı oradan “TOZ-8” markalı, “İJ” markalı, 1 ədəd 16 çaplı tüfəng, 297 ədəd müxtəlif çaplı patron, 34 ədəd boş giliz və 43 ədəd qırma aşkar edilib.