Üç rayonda oğurluq edən şəxslər həbs edildi

Goranboyda oğurluq hadisəsi baş verib.

Teleqraf.com xəbər verir ki, Goranboy rayon polis şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 1300 manat pul oğurlamaqda şübhəli bilinən şəhər sakini Ə.Rəsulov saxlanılıb.

Bundan başqa, Masallı rayon polis şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 1500 manat pul oğurlamaqda şübhəli bilinən rayon sakini, əvvəllər məhkum olunmuş S.Zeynalov tutulub.

Quba rayon polis şöbəsi əməkdaşlarının keçirdikləri əməliyyat-axtarış tədbiri nəticəsində Z.İsmayılova məxsus “VAZ-21099” markalı avtomobili qaçırmaqda şübhəli Qusar rayon sakini A.Müslümov saxlanılıb.

Avtomobil aprelin 30-da Quba şəhəri ərazisində tapılıb.