Ağalar Vəliyevin seçicilərlə növbəti görüşü Sumqayıtda keçirilib - FOTOlar

97 saylı Goranboy-Ağdam-Tərtər seçki dairəsindən Yeni Azərbaycan Partiyasının namizədi Ağalar Vəliyevin Sumqayıt şəhərində müvəqqəti məskunlaşmış seçicilərlə növbəti görüşü keçirilib.

Namizədin seçki qərargahının mətbuat xidmətindən verilən məlumata görə, görüşdə 300-ə yaxın seçici iştirak edib. Yeni Azərbaycan Partiyasının səlahiyyətli nümayəndəsi, Yeni Azərbaycan Partiyası Mərkəzi Seçki Qərərgahı Ağdam rayon şöbəsinin sədri İsgəndər Quliyev tədbiri giriş sözü ilə açaraq deputatlığa namizəd Ağalar Vəliyev haqqında seçicilərə ətraflı məlumat verib.

Daha sonra seçicilərə A.Vəliyevin tərcümeyi-halı və ötən 5 ildəki fəaliyyəti barədə məlumat təqdim edilib.
A.Vəliyev seçicilər qarşısında geniş və əhatəli çıxış edib.
Seçicilərdən Şirxan Səlimov, Sevindik Hüseynov, Tahir Əliyev və başqarı çıxış edərək Ağalar Vəliyevin təəsübkeş millət vəkili olduğunu söyləyərək noyabrın 1-də ona səs verəcəklərini bildiriblər.