AVP-də yeni sədr

Ana Vətən Partiyası Zaqatala rayon təşkilatının konfransı keçirilib.

Teleqraf.com-un məlumatına görə, Təşkilat Şöbəsinin müdiri, Mərkəzi Şura üzvü Azər Quluzadə regionda və Azərbaycanda gedən ictimai-siyasi proseslər barədə konfrans nümayəndələrinə məlumat verib.

O, eyni zamanda AVP-nin fəaliyyəti, apardığı siyasət və partiyadakı təşkilatı işlərə də toxunub. Daha sonra Təşkilat Komitəsinin hesabatı dinlənilib, rayon təşkilatının sədri, sədr müavini, rayon qadınlar şurasının və gənclər təşkilatının sədri, rayon məclisinin üzvləri, rayon şurası və nəzarət təftiş komissiyasının üzvləri seçilib. Bədirov İdris Bulac oğlu AVP Zaqatala rayon təşkilatının yeni sədri seçilib. Konfransın sonunda partiyaya yeni qoşulmuş anavətənçilərə üzvlük vəsiqələri təqdim edilib.

Nərgiz