Azərbaycan klubu afrikalı oyunçu alır

"Qarabağ" heyətinə yeni hücumçu qatmağı planlaşdırır.

Qol.az-ın soccerladuma.co.za saytına istinadən yaydığı xəbərə görə, Ağdam təmsilçisi Kiprin "Anortosis" klubunun afrikalı futbolçusu Dino Ndlovu ilə maraqlanır. Bununla bağlı "Qarabağ"ın Kipr klubuna təklif göndərdiyi bildirilib.

"Anortosis"in bu təklifə hansı cavab verdiyi barədə məlumat yoxdur.

Hələlik "Qarabağ" klubu məsələyə münasibət bildirməyib.

Qeyd edək ki, D.Ndlov ötən mövsüm Kipr çempionatında 28 oyunda 16 qol vurub.

O, eyni zamanda 2012-ci ildən üzü bəri Cənubi Afrika Respublikası (CAR) yığmasında 4 oyun keçirib.