Hakan Şükür Arif Erdemin yerini açıqladı

FETÖ terror təşkilatına üzv olmaqda təqsirli bilindiyi üçün Türkiyədən qaçan Arif Erdemin yeri müəyyənləşib.

Teleqraf.com xəbər verir ki, onun harada olduğu eyni səbəblə ABŞ-a sığınan Türkiyə millisinin sabiq üzvü Hakan Şükürün sosial şəbəkədə etdiyi paylaşımdan sonra bəlli olub.

Belə ki, "Qalatasaray"ın sabiq futbolçusu özünün "Tvitter" hesabında "Qalatasaray"-"Başakşəhər" matçını Arif Erdemlə birgə izlədik" yazıb.

Qeyd edək ki, hər iki futbolçunun adı FETÖ olaylarında hallanır.