Millimiz Şimali Makedoniyaya qalib gəldi

Ramil Şeydayev 89-cu dəqiqədə millimizin üçüncü qolunu vurub. Oyun 3:1 hesablı qələbə ilə başa çatıb.

***

Millimizin üzvü Höccət Haqverdi 75-ci dəqiqədə qırmızı vərəqə alaraq meydandan çıxarılır.

***

Musa Qurbanlı 65-ci dəqiqədə hesabı 2:1 edib.

Şimali Makedoniya - Azərbaycan (birinci hissə) 1:1

***

Skopyedə futbol üzrə Şimali Makedoniya və Azərbaycan milli komandaları arasında yoldaşlıq oyunu başlayıb.

Teleqraf.com xəbər verir ki, “Todor Proeski Milli Arena”sında keçirilən qarşılaşma Bakı vaxtı ilə saat 17:00-da başlayıb. Matçı albaniyalı FIFA referisi Enea Yorqyi idarə edir.

Qeyd edək ki, Canni De Byazinin baş məşqçi olduğu kollektiv bundan əvvəlki yoldaşlıq görüşündə Moldovaya 2:1 hesabı ilə qalib gəlib.