Fransa finalda - Yenilənib

Dünya çempionatında Fransa və Mərakeş qarşılaşmasında ikinci qol vurulub.

Teleqraf.com xəbər verir ki, bu dəfə Randal Kolo Muani fərqlənib. O 80-ci dəqiqədə 2-ci topu Mərakeşin qapısından keçirib.

***

00:08

Fransa və Mərakeş qarşılaşmasında ikinci hissə başlayıb.

Teleqraf.com xəbər verir ki, oyunda hələlik yeganə qolu Fransa millisinin futbolçusu Teo Ernandes vurub.

***

23:50

Dünya çempionatının ikinci yarımfinal oyununda - Fransa və Mərakeş qarşılaşmasında ilk hissə başa çatıb.

Teleqraf.com xəbər verir ki, ilk hissə Fransa millisinin 1:0 hesablı qələbəsi ilə başa çatıb.

***

23:05

Fransa və Mərakeş oyununda hesab açılıb.

Teleqraf.com xəbər verir ki, Teo Ernandes oyunun 5-ci dəqiqəsində vurduğu qolla Fransa millisini önə çıxarıb.

***

23:02

Dünya çempionatının ikinci yarımfinal oyununda - Fransa və Mərakeş milliləri arasında qarşıdurmaya start verildi.

Teleqraf.com xəbər verir ki, qarşılaşma Bakı vaxtı ilə saat 23:00-da başlayıb.

***

22:43

Qətərdə keçirilən dünya çempionatının yarımfinal oyununda üz-üzə gələcək Fransa və Mərakeş yığmalarının start heyətləri açıqlanıb.

Teleqraf.com-un məlumatına görə, komandalar meydana aşağıdakı heyətlə çıxacaqlar:

Fransa: Uqo Lyoris (K), Jül Kunde, İbrahima Konate, Yussuf Fofana, Rafael Varan, Teo Ernandes, Orelyen Çuameni, Antuan Qrizmann, Kilian Mbappe, Usman Dembele, Olivye Jiru

Mərakeş: Yassin Bunu, Romen Saiss (K), Əşrəf Hakimi, Cavad El Yamiq, Sofyan Amrabat, Azeddin Unai, Nayef Agerd, Nussair Mazraui, Sofyan Bufal, Yussuf En-Nesiri, Hakim Ziyeş

Qeyd edək ki, qarşılaşma Bakı vaxtı ilə saat 23:00-da başlayacaq.