AVRO-2024: Belçika - Azərbaycan oyununda daha bir qol - Yeniləndi

Belçika və Azərbaycan milliləri arasında keçirilən AVRO-2024-ün seçmə mərhələsinin sonuncu tur oyununda daha bir qol vurulub.

Teleqraf.com xəbər verir ki, meydan sahiblərinin heyətində Romelu Lukaku 37-ci dəqiqədə fərqlənməklə özünün və komandasının dördüncü qoluna imza atıb.

Beləliklə, təcrübəli hücumçu poker edib.

***

Belçika və Azərbaycan milliləri arasında keçirilən AVRO-2024-ün seçmə mərhələsinin sonuncu turunun oyununda daha iki qol vurulub.

Teleqraf.com xəbər verir ki, meydan sahiblərinin heyətində Romelu Lukaku 26 və 30-cu dəqiqədə fərqlənməklə het-trikini rəsmiləşdirib.

Hazırda "qırmızı şeytanlar" 3:0 hesabı ilə öndədirlər.

***

Belçika və Azərbaycan milli komandaları arasında AVRO-2024-ün seçmə mərhələsinin sonuncu turunun oyunu başlayıb.

Teleqraf.com xəbər verir ki, “Kinq Baudouin” stadionundakı qarşılaşma nəzərdə tutulduğundan 2-3 dəqiqə gec start götürüb.

Buna Azərbaycan Himninin yanlış səsləndirilməsi səbəb olub. Səhv aradan qaldırıldıqdan sonra matç başlayıb.

Görüşü macarıstanlı FIFA referisi Gerqo Boqar idarə edir.

Meydan sahibləri F qrupunda 17 xalla ikincidir. Komandamız isə 7 xalla 4-cü sırada qərarlaşıb. Qrupun digər matçında İsveç doğma azarkeşlər önündə Estoniya ilə üz-üzə gəlir.