Sinan Oğandan təklif: “Xankəndidə oynayın”

Türkiyəli siyasətçi, sabiq millət vəkili Sinan Oğan “Qalatasaray” və “Fənərbaxça” futbol klublarını Xankəndidə oynamağa çağırıb.

Teleqraf.com xəbər verir ki, siyasətçi bu barədə X sosial şəbəkəsində yazıb.

“Əgər ölkə xaricində oynamaq istəyirsinizsə, Xankəndi stadionunu tövsiyə edirəm. Əks halda, bu final paytaxta yaraşardı”, - Oğan deyib.

Dünən axşam Türkiyə Superkubokunun finalı çərçivəsində keçirilməli olan “Fənərbaxça” - “Qalatasaray” matçı təxirə salınıb. Buna səbəb oyunun keçiriləcəyi Səudiyyə Ərəbistanında hökumətin meydana komandaların “Atatürk” yazılı köynəklərlə çıxmasına icazə verməməsidir.