"Qarabağ" avrokuboklarda rekordu təkrarladı

"Qarabağ" avrokuboklarda rekordu təkrarlayıb.

Teleqraf.com Beynəlxalq Futbol Tarixi və Statistikaları Federasiyasının (IFFHS) saytına istinadən xəbər verir ki, Ağdam təmsilçisi avrokuboklarda bir oyunun əlavə vaxtında 4 qol vuran 5 komandadan biri olub.

Qurban Qurbanovun baş məşqçisi olduğu komanda Çempionlar Liqasının 3-cü təsnifat mərhələsində Bolqarıstanda "Ludoqorets"ə qalib gəldiyi matçın (əsas vaxt - 3:2, yekun hesab 7:2) əlavə vaxtında rəqib qapısına daha 4 qol vurmuşdu.

Daha əvvəl Almaniyanın “Ştutqart” (1973/1974 mövsümü), Fransanın "Lans" (1977/1978), Kiprin "Omoniya" (2016/2017) və Belarusun Dinamo (Minsk, 2018/2019) klubları avrokuboklarda əlavə vaxtda 4 dəfə fərqləniblər.