"Barselona"nın forvardı: "Çətin vəziyyətdəyəm"

"Barselona"nın forvardı Pedro Rodriqes "Almeriya" ilə görüşdə meydana əsas heyətdə çıxıb.

Teleqraf.com xəbər verir ki, ispan futbolçu bir məhsuldar ötürmə ilə də yadda qalıb. Cari mövsümdə oyun təcrübəsinin azlığından əziyyət çəkən Pedro qarşılaşmanın ardından fikirlərini jurnalistlərlə bölüşüb:

"Əsas heyətdə meydana çıxdığıma görə sevinirəm. Komandamız üç xal qazandı, vacib olan budur. Məhsuldar ötürməmdən razıyam. Komanda yoldaşım daha yaxşı mövqedə olduğu üçün ona ötürmə verdim.

İndi təkcə nəticələr barədə düşünmək lazımdı. Hazırda mövsümün ən önəmli hissəsindəyik. Gələcəyim barədə sadəcə bunu deyə bilərəm ki, çətin vəziyyətdəyəm. Vaxtı gələndə klubla danışacağam".

Rüstəm