"Qarabağ" Qəbələyə yola düşdü

Sabah Qəbələdə Azərbaycan kubokunun final matçında “Neftçi” ilə qarşılaşacaq "Qarabağ" bu gün Qəbələyə yollanıb.

Bu haqda məlumatı “"Qarabağ" klubunun mətbuat xidmətinin rəhbəri Nurlan İbrahimov yayıb:

"Bu gün səhər məşqini edəndən sonra Qəbələyə yola düşdük. Sabah da bir məşq planlaşdırılıb. Heyətdə də elə bir problemlərimiz yoxdur".

Qeyd edək ki, "Qarabağ" - "Neftçi" oyunu iyunun 3-də saat 21:00-da Qəbələ şəhər stadionunda baş tutacaq.