PSJ-dən "Atletiko"ya 40 milyon avro

"Atletiko"nun futbolçusu Anton Qrizman yeni mövsümdən Fransa Liqasında çıxış edə bilər.

Qol.Az-ın xarici KİV-lərə istinadən verdiyi məlumata görə, PSJ klubu fransız futbolçunu transfer etməyi planlaşdırır.

Paris təmsilçisi Qrizman üçün "Atletiko"ya 40 milyon avro təklif edib. Madrid klubu hələlik bu təklifə cavab verməkdə tələsmir. "Atletiko"nun Qrizmanı daha yüksək məbləğə satmaq istədiyi bildirilir.

Qeyd edək ki, 24 yaşlı futbolçu 2014-cü ildə "Real Sosyedad"dan "Atletiko"ya transfer olunub.