Maradona FIFA prezidentliyinə namizəd olacaq

Argentina və dünya futbolunun əfsanəsi Dieqo Maradona Beynəlxalq Futbol Assosiasiyaları Federasiyasının (FIFA) prezidenti vəzifəsinə namizədliyini irəli sürəcək.

Publika.az xəbər verir ki, bu barədə uruqvaylı jurnalist Viktor Morales deyib.

Jurnalist bildirib ki, D.Maradona FIFA-da dəyişikliklər istəyir: “Bu səbəbdən prezidentlik vəzifəsinə namizədliyini irəli sürəcək. O, FIFA ətrafındakı qalmaqalda iştirak etmədən, mübarizə aparmağa üstünlük verib. Futbolçunun böyük nüfuzu var”.