26 Oktyabr 2015 22:17
584
12 Punto 14 Punto 16 Punto 18 Punto

Asiya Futbol Konfederasiyasının (AFK) prezidenti Şeyx Salman bin İbrahim Əl Xəlifənin FİFA prezidentliyinə namizədliyini irəli sürmək istədiyini xəbər vermişdik.

Şeyx Salman namizəd olmaq üçün FİFA üzvü olan 5 federasiyanın dəstəyini alıb. Bununla da o, FİFA prezidentliyinə növbəti namizəd olub.

49 yaşlı Şeyx Salman CAR-dan olan biznesmen Tokio Seksvale, Trinidad və Tobaqo yığmasının keçmiş kapitanı Devid Naxid, İordaniya şahzadəsi Əli bin Əl-Hüseyn, UEFA prezidenti Mişel Platini və FİFA-nın keçmiş baş katibi Jerom Şampandan sonra ali futbol qurumunun rəhbər postuna sayca 6-cı namizəd olub.

Şeyx Salman Bəhreyn kral nəslindəndi. O, 2002-ci ildən AFK-nın prezidenti kimi fəaliyyət göstərir.

FİFA prezidentliyinə namizədlərin qeydiyyatı oktyabrın 26-da başa çatacaq. Dünyanın ali futbol qurumunun yeni prezidentinin adına isə gələn il, fevralın 26-da aydınlıq gələcək.


Müəllif: