İki bankın səhmlərinin buraxılışı qeydiyyata alınıb

Oktyabr ayında Qiymətli Kağızlar üzrə Dövlət Komitəsi (QKDK) tərəfindən bir neçə şirkətin qiymətli kağızlar buraxılışı qeydiyyata alınıb.

QKDK-nın mətbuat xidmətindən Teleqraf.com-a verilən məlumata görə, “AB Standard” qapalı səhmdar cəmiyyətinin qapalı yerləşdirmə üsulu ilə yerləşdiriləcək hər birinin nominal dəyəri 100 manat olan 88 100 ədəd adi sənədsiz adlı səhmlərinin buraxılışı AZ1001005722 qeydiyyat nömrəsi ilə dövlət qeydiyyatına alınıb.

Oktyabrın 16-da “Azər-Türk Bank” açıq səhmdar cəmiyyətinin də kütləvi təklif üsulu ilə yerləşdiriləcək hər birinin nominal dəyəri 1 manat olan 36 552 682 ədəd adi sənədsiz adlı səhmlərinin buraxılışı AZ1003004426 qeydiyyat nömrəsi ilə dövlət qeydiyyatına alınıb. Həmin gün “Azneftemaş” açıq səhmdar cəmiyyətinin qapalı yerləşdirmə üsulu ilə yerləşdiriləcək hər birinin nominal dəyəri 2 manat olan 20 ədəd adi sənədsiz adlı səhmlərinin buraxılışı AZ1001002109 qeydiyyat nömrəsi ilə dövlət qeydiyyatına alınıb.

İktyabrın 17-də isə “Dekabank” Kommersiya Bankı açıq səhmdar cəmiyyətinin nominal dəyəri 1100 manat olan 47970 ədəd adi sənədsiz adlı səhmlərin buraxılışı AZ1005005397 qeydiyyat nömrəsi ilə dövlət qeydiyyatına alınıb. Səhmlər “Dekabank” Kommersiya Bankı açıq səhmdar cəmiyyətinin qeydiyyat nömrəsi AZ1004005398 və nominal dəyəri 500 manat olan 47970 ədəd adi adlı sənədsiz səhmlərinə konvertasiya yolu ilə yerləşdiriləcək.

Naibə QURBANOVA