"Başımızdakı qara yaylığı açıb yasdan çıxdıq..." - Aynişan Quliyeva/Video

Əməkdar artist Aybəniz Haşımovanın qızı Aynişan Quliyeva qələbə münasibəti ilə şəhid atası Xalid Quliyevin məzarını ziyarət edib.

Teleqraf.com xəbər verir ki, Aynişan Quliyeva İnstaqramda atasının məzarından video paylaşıb: "Al qırmızı tökülən qanların sayəsində başımızdakı qara yaylığı açıb, yasdan çıxdıq. Hər bir şəhidin ruhu qarşısında canımız fəda olsun. Onlar bizi daha cəsur, qorxmaz etdi. Onlar bizə mənliyimizi, qürurumuzu geri qaytardı. Azərbaycanın qeyrətli oğulları ilə fəxr edirəm.

Qayıdan hər qarış torpaqda qan var, şəhidlərimizin qanı. Və bu torpağı, bu vətəni göz-bəbəyimiz kimi qorumalıyıq ki, onlar bizə yaşamağı, bu torpağın suyunu, çörəyini halal etsinlər".

https://www.instagram.com/p/CHdNUjjDr-a/?igshid=qepbpemxne05