"Eşkiya dünyaya hükümdar olmaz”ın İlyası: "Şuşa, Qarabağ çox gözəldir"- Foto

Türkiyənin "Anka" filminin "Park Cinema Flame Towers"də qala gecəsi baş tutub.

Teleqraf.com xəbər verir ki, filmdə rol alan və “Eşkiya dünyaya hükümdar olmaz” serialından İlyas obrazı ilə məşhurlaşan Ozan Akbaba Şuşa səfərindən danışıb: "Şuşaya getdik. Şuşa, Qarabağ çox gözəldir. Azərbaycan torpaqlarını geri aldı və biz də buna çox sevindik. İnşallah Şuşaya siz də gedərsiniz".

Aktyor filmdə rol aldığı obraz haqqında da danışıb: "Çox gözəl bir film çəkdik. Filmi dəyərli azərbaycanlılarla da paylaşmaq üçün buraya gəldik. Düşünürəm ki, bu gün filmi izləyən hər kəs kino zalından xoşbəxt ayrılacaq. Ümid edirəm ki, bəyənəcəksiniz".

Filmdə rol alan Atilla Şendil isə "Çox keyfiyyətli film çəkdik. Filmi çəkərkən və təkrar izləyərkən çox xoş zaman keçirdik. Ümid edirəm ki, siz də xoş zaman keçirəcəksiniz",-deyə vurğulayıb.

Qeyd edək ki, filmdə Ozan Akbaba, Uğur Uzunel, Deniz Işın və bir çox aktyorlar çəkiliblər.