"Çimnaz xəstəliklə mübarizə apardığını mənə də bildirməyib" - Rejissor

"Çimnaz Sultanova heç vaxt xəstəliyi haqqında məlumat verməyib. Hətta mənə də xərçəng xəstəliyi ilə mübarizə apardığını bildirməyib".

Teleqraf.com xəbər verir ki, bu sözləri jurnalistlərə açıqlamasında rejissor Nail Naiboğlu mərhum aktrisa haqqında danışarkən deyib

"Bu gün deyirlər ki, iki gün əvvəl "TikTok" platformasında video paylaşıb. Həmin video çoxdan çəkilib. Son zamanlar heç kimlə görüşmürdü. Oğlu Almaniyada yaşayır. Yəqin ki, Bakıya gələcək. Çimnaz Sultanovanın bir neçə ay əvvəl anası da dünyasını dəyişib. O zamandan onda xəstəlik başlayıbmış", - deyə o qeyd edib.