Nyuşa Bakı səfəri üçün belə dəyişdi - FOTO

Rusiya estradasının ulduzu Nyuşa pərəstişkarlarını yeni obrazı ilə sevindirmək qərarına gəlib.

Teleqraf.com-un məlumatına görə, müğənni və bəstəkar 25 illik yubileyində uyğun geyim və aksessuarlardan istifadə etməklə hind filmlərinin qəhrəmanına çevrilib.

Müğənni istehzalı “Karmaya doğru 25 il” adlı təmtəraqlı əyləncə gecəsi təşkil etməklə Moskva restoranlarından birində yubileyini qeyd edib.

Xatırladaq ki, sentyabrın 26-ı saat 20:00-da Heydər Əliyev sarayında Nyuşanın yeni “Birlik!” proqramı ilə ilk solo konserti keçiriləcək.

Bakı tamaşaçıları tamamilə yeni Nyuşanı görəcək, onun super hitlərini və əlbəttə ki, yeni mahnılarını eşidəcəklər.

Qeyd edək ki, proqramın premyerası 2013-cü il noyabrın 2-də Moskvanın "Crocus City Hall" konsert zalında baş tutub. 2014-cü il aprelin 26-da isə Moskvanın “ARENA MOSCOW” konsert zalında yeni “Birlik!” CD-albomun premyerası keçirilib.

Qeyd edək ki, biletlərin qiyməti: 29-169 manat.

Teleqraf.com fotoları təqdim edir:

Rüstəm