Sosial şəbəkə 1 milyon cərimələndi

Rusiyada məhkəmə sosial media platforması "Twitch"i 1 milyon rubl (təxminən 12 min dollar) cərimələyib.

Teleqraf.com xəbər verir ki, Rusiya Federal İnformasiya Texnologiyaları və Kütləvi Kommunikasiyalara Nəzarət Agentliyinin (Roskomnadzor) "Twitch"ə qarşı qaldırdığı iddialara paytaxt Moskvanın Taqanski Məhkəməsində baxılıb.

Məhkəmə "Twitch"i Rusiyada qadağan olunmuş məzmuna daxil olmağa imkan verdiyi üçün 1 milyon rubl cərimələyib.

Bundan əvvəl də oxşar pozuntulara görə ölkədə "Twitch"ə müxtəlif cərimələr tətbiq edilib.