Bu aviaşirkətin stüardessaları sambo fəndləri öyrənəcək

Rusiyanın "Pobeda" loukoster aviaşirkəti stüardessalara sambo fəndləri öyrətməyə başlayıb.

Trend-in məlumatına görə, dərslərin Beynəlxalq Sambo Federasiyası ilə birgə həyata keçirilməsi barədə qərar da qəbul olunub.

Aviaşirkətdən verilən məlumata görə, bu addım uçuşlar zamanı yarana biləcək hər hansı hücumun qarşısını almaq məqsədilə atılır.

İlk növbədə sambo dərslərini təyyarələrdə sərnişinlərə xidmət göstərən əməkdaşlar öyrənəcək. Özünümüdafiə dərsləri təyyarədə çalışan digər əməkdaşlara da tədris ediləcək.