Deputatdan bələdiyyələrlə bağlı baş nazirə - Müraciət

Təəssüflər olsun ki, bələdiyyələrə 2020-ci ilin büdcəsindən nəzərdə tutulan dotasiyalar hələ də ayrılmayıb.

Teleqraf.com-un xəbərinə görə, bunu Milli Məclisin iclasında deputat Kamran Bayramov deyib.

O bildirib ki, Maliyyə Nazirliyi hazırda dotasiyaların ayrılması üzərində işləyir.

“Bundan sonra sənəd Nazirlər Kabinetinə təqdim ediləcək”, - deyə K.Bayramov əlavə edib.

Millət vəkili Baş nazir Əli Əsədovdan xahiş edib ki, məsələyə dair qərar tez qəbul olunsun.