Rus casus gəmisi Kraliyyət Donanmasında əməliyyat keçirdi - Şok

Rusiyaya məxsus casus gəmisi Oman sahillərində Kralliyət Donanmasına aid təyyarə gəmisini izləyərkən qeydə alınıb.

Teleqraf.com xəbər verir ki, rus casus gəmisinin raketlərlə təchiz edildiyi və digər gəmilərdə danışılanları dinləmək üçün hazırlandığı bildirilir.

Casus gəmisi Britaniyanın yeni Daşıyıcı Hücum Qrupunun Maskat şəhərində ilk yerləşdirmə mərasimində “Queen Elizabeth” və digər gəmiləri müşayiət edən Hollandiya gəmisinin yanında dayandığı zaman fərq edilib.

Rusiyanın Moma sinifli casus gəmisinin elektron dinləmə roluna malik olduğu güman edilir. Ehtimal ki, casus gəmi Hind-Sakit okean bölgəsinə və geriyə səyahətində Britaniyanın yeni təyyarə gəmisi ilə Britaniyanın radio əlaqəsini kəsməyə çalışır.

Adətən Qara dəniz donanmasının bir hissəsi olan Rusiya gəmisi 8 oktyabrda Körfəzə gedərkən Aralıq dənizinə girməzdən əvvəl Bosfor boğazından keçərkən görüntülənib.

Ekspertlərin qənaətinə görə, bu gəmi 1950-ci ildə Qdanskda inşa edilən Qara Dəniz Donanmasının 519-cu Müstəqil Kəşfiyyat Gəmi Diviziyasının bir hissəsidir.

Dəniz mütəxəssisi H. Sutton deyib ki, bu kiçik gəmilərin köhnə olmasına baxmayaraq güclü kəşfiyyat toplama elementinə sahibdir.