Parlament seçkilərini izləmək üçün qeydə alınan yerli müşahidəçilərin sayı açıqlandı

İndiyə qədər növbədənkənar parlament seçkiləri ilə əlaqədar qeydə alınan müşahidəçilərin sayı açıqlanıb.

Teleqraf.com xəbər verir ki, , bu barədə Mərkəzi Seçki Komissiyasının sədri Məzahir Pənahov bildirib.

O, qeyd edib ki, indiyə qədər ümumilikdə 46807 yerli müşahidəçi qeydə alınıb.

Onlardan 5715 MSK-da, 41092-i isə dairə seçki komissiyalarında (DSK) qeydə alınıb.

Xatırladaq ki, Prezident İlham Əliyev altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında sərəncam imzalayıb. Azərbaycan Respublikasının Milli Məclisinə növbədənkənar seçkilər 2024-cü il sentyabrın 1-nə təyin edilib.