Azərbaycanla strateji tərəfdaşlıq Gürcüstan üçün çox önəmlidir - Maka Boçorişvili

"İlk xarici səfərimi Azərbaycana etməyim mənim üçün şərəfdir".

Teleqraf.com xəbər verir ki, bunu Gürcüstanın xarici işlər naziri Maka Boçorişvili Bakıda azərbaycanlı həmkarı Ceyhun Bayramovla keçirdiyi birgə mətbuat konfransında deyib.

Gürcüstan XİN rəhbəri vurğulayıb ki, uğurlu əlaqələrin arxasında xalqlar arasındakı dostluq dayanır:

"Azərbaycanla strateji tərəfdaşlıq bizim üçün çox önəmlidir. Sevindirici haldır ki, tərəfdaşlıq həm iqtisadi, həm siyasi sahədə intensivdir. X hökumətlərarası forumda mühüm məsələləri müzakirə edəcəyik. Sizi Gürcüstana dəvət edirəm. Azərbaycanla dialoq Gürcüstan üçün vacibdir".