Əli Abbasov Quba, Qusar, Xaçmaz əhalisini qəbul edəcək

Rabitə və yüksək texnologiyalar naziri Əli Abbasov avqustun 27-si, saat 10:00-da Quba rayonunda (Quba, Qusar, Xaçmaz) əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti, bu sahədə bölgələrdə əhalini maraqlandıran məsələlərlə bağlı vətəndaşların qəbulu planlaşdırılır.

Rabitə və Yüksək Texnologiyalar Nazirliyi Mətbuat Xidmətindən Teleqraf.com-a verilən xəbərə görə, vətəndaşlardan “[email protected]” elektron poçt ünvanı, 1655 saylı “Qaynar xətt”, 598 38 18 nömrəli (regionlardan edilən zənglər pulsuzdur) telefon vasitəsi ilə əlaqə saxlayıb qəbula yazılmaları xahiş olunur.

Eyni zamanda, qəbula gəlmək istəyən vətəndaşlar zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar. Vətəndaşlardan xahiş olunur ki, bunun üçün: Quba rayonunda 335-50-50, Qusar rayonunda 385-31-57, Xaçmaz rayonunda 325-15-15 nömrəli telefonlara zəng etsinlər.