Adı seçici siyahısında olmayanlar... - Rövzət Qasımov

Adı seçici siyahısında olmayan şəxslərin prosesdə iştirakı ilə bağlı məsələyə aydınlıq gətirilib.

Teleqraf.com xəbər verir ki, bununla bağlı Mərkəzi Seçki Komissiyasının sədr müavini Rövzət Qasımov məlumat verib.

O qeyd edib ki, adı seçici siyahısında olmayan seçicilər yerli dairə seçki komissiylarına müraciət etməlidirlər:

“Azərbaycan ərazisində müəyyən bir ərazidə son 6 ay müddətində daimi yaşayan şəxsin seçki hüququ yaranır. Bununla bağlı adlarını seçici siyahısında tapa bilməyən vətəndaşlar dairə seçki komissiyalarına müraciət etməlidirlər. Onlar qeydiyyatdan keçib səs verə bilərlər”.