Badamdarda qonşu qonşunu nə üstə bıçaqladı... – Təfərrüat

Bakının Səbail rayonunda bıçaqlanma hadisəsi baş verib.

Teleqraf.com xəbər verir ki, rayonun Badamdar qəsəbəsindəki evlərdən birində 1986-cı il təvəllüdlü Əziz Əmrahov bıçaqlanıb.

O, ağır vəziyyətdə 1 saylı Kliniki Tibbi Mərkəzə gətirilib. Vaxtında tibbi yardım göstərildiyi üçün onun həyatını xilas etmək mümkün olub. Yaralının vəziyyətinin ağır olduğu bildirilir.

Məlumata görə, Əziz Əmrahov yaşadığı evin həyətində qonşusu ilə mübahisə edib. Mübahisə qonşuluqda yaşayan Emil adlı oğlanın Əzizin yaşadığı evin həyatyanı sahəsində dayandığına görə baş verib.

Əziz Emilə iradını bildirib, Emil onu söyüb. Əvvəlcə əlbəyaxa olublar, sonra Emil özündəki bıçaqla Əzizə bir neçə zərbə vurub.

Faktla bağlı cinayət işi başlanıb.