Bakıda maşın oğruları tutuldu

Bakının Xətai rayonunda oğurluq hadisəsi baş verib.

Teleqraf.com xəbər verir ki, fevralın 20-də Bakı şəhər sakini Elşən Məmmədova məxsus “VAZ-2106” markalı avtomobil qaçırılıb.

Avtomobil sahibi oğurluq hadisəsi ilə bağlı 36-cı polis bölməsinə müraciət edib. Əməliyyat-axtarış tədbirləri nəticəsində oğurluğu törətməkdə şübhəli bilinən paytaxt sakinləri Fərhad Salayev və Orxan Pirverdiyev saxlanılıblar.

Bundan başqa, Nəsimi rayon Polis İdarəsinin 20-ci polis bölməsi əməkdaşlarının əməliyyat-axtarış tədbirləri nəticəsində avtomobil oğurluğunda şübhəli bilinən Şərur rayon sakini, əvvəllər məhkum olunmuş Rahib Vəliyev saxlanılıb.

O, rayonun Alı Mustafayev küçəsindən Ağsu rayon sakini Nizami Kərimliyə məxsus “Daewoo” markalı avtomobili qaçırmaqda şübhəli bilinib.