Gəncədə silsilə cinayətlər törədən “zek” tutuldu

Gəncə şəhərində oğurluq hadisəsi baş verib.

Teleqraf.com xəbər verir ki, şəhərin Kəpəz rayonunda ticarət köşklərinin birindən 50 manat pul və tütün məmulatı oğurlanıb.

Kəpəz rayon Polis İdarəsi əməkdaşları tərəfindən oğurluğu törətməkdə şübhəli bilinən Gəncə şəhər sakini, əvvəllər məhkum olunmuş Tural Rüstəmov saxlanılıb.

Onun rayon ərazisində 4 avtomobildən akkumulyator, təkər və mobil telefon, 3 həyətyanı sahədən su sayğacı və su nasosu oğurlaması müəyyən edilib.