“Topaz”dan oğurluq edildi – Abşeronda

Abşeron rayonunda oğurluq hadisəsi baş verib.

Teleqraf.com xəbər verir ki, rayon ərazisindəki “Topaz” mərc oyunları məntəqəsindən 700 manat dəyərində lotereya kuponları, 7 mağazadan pul, mobil telefon, kompüter, videomüşahidə qurğusunun yaddaş kartı, parfümeriya, 3 avtomobildən pul, mobil telefon, gümüş üzük, monitor və sənəd oğurlanıb.

Abşeron rayon Polis İdarəsi əməkdaşlarının keçirdiyi əməliyyat nəticəsində oğurluğu törətməkdə şübhəli bilinən S.Pənahov tutulub.

Ətrafında aparılmış əməliyyat tədbirləri ilə onun habelə 2 həyətdən velosiped oğurlaması da müəyyən edilib.

Faktla bağlı cinayət işi başlanıb.