Polis üç rayonda əməliyyat keçirdi: Həbs olunanlar var

Göyçay rayonunda əməliyyat keçirilib.

Teleqraf.com xəbər verir ki, Göyçay rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Alıkənd kənd sakinləri E.Qasımov və qardaşı oğlundan 2 ədəd “TOZ-16” markalı ov tüfəngləri aşkar edilərək götürülüb.

Bundan başqa, Qax rayon polis şöbəsi və Dövlət Sərhəd Xidmətinin əməkdaşları tərəfindən Almalı kəndi ərazisində yabanı halda bitmiş, çəkisi 3 ton olan 6200 ədəd çətənə kolu aşkar edilərək məhv edilib.

İmişli rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Muradxanlı kənd sakini F.Nəcəfovun torpaq sahəsindən kultivasiya yolu ilə yetişdirilmiş 98 ədəd çətənə kolu aşkar edilib.