Sinaqoqda 7 nəfəri öldürən şəxs özünü partlatdı - Yeniləndi

Vyanada naməlum şəxs sinaqoqda olanlara 50 dəfə atəş açıb.

Teleqraf.com xəbər verir ki, hadisə şəhərin mərkəzində baş verib.

Şəxsiyyəti məlum olmayan şəxs sinaqoqda olan insanlara pulemyotla atəş açıb.

Nəticədə yeddi nəfər güllə yarasından dünyasını dəyişib. Daha sonra cinayətkar özünü partladıb.

Avstriya Daxili İşlər Nazirliyi hadisənin terror aktı olması versiyasını istisna etmir. Faktla bağlı araşdırma aparılır.

00:05

Avstriyanın paytaxtı Vyananın mərkəzində yerləşən sinaqoqun yaxınlığında atışma baş verib.

Teleqraf.com-un məlumatına görə, bu barədə "Kronen Zeitung" nəşri xəbər verib.

İlkin məlumata görə, polis əməkdaşları atışmanı törətməkdə şübhəli bilinənlərdən birini saxlayıb.

Vyana hüquq-mühafizə orqanları bildirib ki, polis əməkdaşları hadisənin səbəblərini müəyyənləşdirir.