Oğurluq edən yeniyetmə tutuldu

Bakının Nəsimi rayonunda yeniyetmənin çoxsaylı oğurluq cinayətləri üzə çıxıb.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Nəsimi Rayon Polis İdarəsi 19-cu Polis Bölməsi əməkdaşlarının keçirdikləri əməliyyat tədbirləri nəticəsində, oğurluqda və soyğunçuluqda şübhəli bilinən Bakı şəhər sakini, 1997-ci il təvəllüdlü Anar Qabilov yaxalanıb.

Müəyyən edilib ki, o, sentyabrın 14-də Cavadxan küçəsində Sevda Hacıyevanın boynundan qızıl boyunbağını qıraraq qaçıb, oktyabrın 12-ə keçən gecə Moskva prospektində yaşayan İmran Məmmədova məxsus “Toyota” markalı avtomobildən, şüşəni sındırmaqla 300 manat və iki ədəd gödəkçə, Cavadxan küçəsində yaşayan Bəxtiyar Manafova məxsus “Toyota” markalı avtomobildən, şüşəni sındırmaqla video müşahidə kamerası oğurlayıb. Oktyabrın 12-nə keçən gecə isə Moskva prospektində yaşayan Şahin Zurnayevə məxsus “Kia” markalı avtomobilin yan şüşəsi sındırıb.

Hacı Zeynalov