Bakı avtovağzalında ölüm hadisəsi baş verdi

Bakı Beynəlxalq Avtovağzalının yaxınlığında ölüm hadisəsi baş verib.

Teleqraf.com xəbər verir ki, hadisə dekabrın 17-də, saat 19:34-də avtovağzala yaxın ərazidə qeydə alınıb.

Körpünün altında bir kişi insanların gözü qarşısında yıxılıb. Yaxınlıqdan keçən insanlar hadisə yerinə həkim və polis çağırıblar. Həkimlər gələnə qədər kişi dünyasını dəyişib. Araşdırmalar zamanı ölən şəxsin 56 yaşlı Rəfail Əliyev olduğu müəyyənləşib. İlkin ehtimala görə, kişi ürək çatışmazlığından ölüb.

Hacı Zeynalov