Rüşvət verməkdə ittiham edilən deputat ölkədən qaçdı - Beynəlxalq axtarışa verildi

Ukraynanın Yenidənqurma və İnfrastrukturun İnkişafı üzrə Dövlət Agentliyinin keçmiş sədri Mustafa Nayemə rüşvət verməyə cəhddə təqsirləndirilən Ali Radanın deputatı Andrey Odarçenko xaricə qaçıb.

Teleqraf.com yerli mətbuata istinadən xəbər verir ki, bu barədə Ukrayna Antikorrupsiya Mərkəzi məlumat yayıb.

“İxtisaslaşdırılmış Korrupsiyaya Qarşı Mübarizə İdarəsinin prokuroru Odarçenkonun işi üzrə keçirilən iclasda deputatın Ukraynanı tərk etdiyini bildirilib. Bununla bağlı prokuror girovun ödənilməsi və deputatın beynəlxalq axtarışa verilməsi barədə vəsatət qaldırıb”, - məlumatda qeyd edilib.

Qeyd edək ki, sabiq deputat 2023-cü il noyabrın sonunda “Xalqın xidmətçisi” siyasi partiyası sıralarından xaric edilib.