Bakıda baş verən qəzada sürücü öldü

Bakının Xəzər rayonunda ölümlə nəticələnən yol nəqliyyat hadisəsi baş verib. Teleqraf.com xəbər verir ki, hadisə rayonun Qala qəsəbəsində qeydə alınıb.

Bakı şəhər sakini, 1992-ci il təvəllüdlü Cavid Şahlarov idarə etdiyi “VAZ 2106” markalı avtomobili yol kənarındakı işıq dirəyinə vurub. Avtomobilin sürücüsü və avtomobildə olan sərnişin, 1992-ci il təvəllüdlü Fərman Babayev xəstəxanaya yerləşdirilib. Həkimlərin səyinə baxmayaraq Cavid Şahlarovun həyatını xilas etmək mümkün olmayıb.

Faktla bağlı Xəzər Rayon Polis İdarəsində araşdırma aparılır.

Hacı Zeynalov