İki uşaq atası intihar etdi

Cəlilabad rayonunda intihar hadisəsi baş verib.

Teleqraf.com xəbər verir ki, hadisə rayonun mərkəzində, Azərbaycan küçəsində qeydə alınıb.

Məlumata görə, rayon sakini, 1971-ci il təvəllüdlü Həsən Abidinov məskunlaşdığı binanın zirzəmisindəki qazanxanada özünü asaraq ölüb. Onun hansı səbəbdən intihar etdiyi məlum deyil. Həsən Abidinov iki uşaq atası idi.

Faktla bağlı Cəlilabad Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.

Hacı Zeynalov