Qadına qarşı soyğunçuluq edən yaxalandı

Bakının Suraxanı rayonunda soyğunçuluq hadisəsi baş verib.

Teleqraf.com xəbər verir ki, Bakı şəhər sakini Nailə İsmayılova naməlum şəxsin hücumuna məruz qalıb.

Hücum edən şəxs qadının içərisində 100 manat və 50 dollar, habelə mobil telefon olan çantasını alaraq qaçıb. Nailə İsmayılova soyğunçuluqla üzləşməsi barədə Suraxanı Rayon Polis İdarəsinin 33-cü polis bölməsinə şikayət edib.

Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Bakı şəhər sakini Eşqin Kazımov tutulub.

Hacı Zeynalov