Sabirabadda ev yandı

Sabirabadda yanğın hadisəsi baş verib.

Fövqəladə Hallar Nazirliyindən Teleqraf.com-a verilən məlumata görə, Sabirabad şəhərində vətəndaşa məxsus ümumi sahəsi 400 kv.m olan yeməkxananın mətbəxinin qamışdan ibarət tavanı 80 kv.m sahədə yanaraq yararsız hala düşüb.

Hadisə yerinə gələn yanğınsöndürənlərin sayıqlığı nəticəsində mətbəxdə olan 5 ədəd 5 litrlik və 3 ədəd 50 litrlik məişət qaz balonu təhlükəsuz əraziyə çıxarılıb. Yeməkxananın qalan hissəsi yanğından mühafizə olunub.

Yanğın saat 00:30-da yanğınsöndürənlər tərəfindən söndürülüb.