Şirvanda 15 kiloqram narkotik aşkarlandı

Şirvanda 15 kiloqrama yaxın narkotik aşkar edilib.

Daxili İşlər Nazirliyindən Teleqraf.com-a verilən məlumata görə, narkotik şəhər sakini, əvvəllər məhkum olunmuş Rauf Əliyevə məxsus həyətyanı sahədən tapılıb.

Belə ki, polisin həyata keçirdiyi əməliyyat-axtarış tədbirləri nəticəsində kultivasiya yolu ilə yetişdirilən çəkisi 14 kiloqram 500 qram olan 27 ədəd çətənə kolu, habelə həyətində və evində gizlətdiyi ümumi çəkisi 1 kiloqram 997 qram marixuana aşkar edilərək götürülüb.