Vətəndaşları aldadan dələduz 9 il iş aldı

Bu gün Bakı Ağır Cinayətlər Məhkəməsində dələduzluqda təqsirləndirilən Ziyad Babayevin cinayət işi üzrə məhkəmə prosesi başa çatıb.

Teleqraf.com xəbər verir ki, Ziyad Babayevin dələduzluq etməsi barədə Sabunçu Rayon Polis İdarəsinin 12-ci Polis Bölməsinə şikayət daxil olub. Şikayət əsasında polisin keçirdikləri əməliyyat-axtarış tədbirləri nəticəsində Ziyad Babayev saxlanılıb.

Ziyad Babayev Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.

Hakim Ramella Allahverdiyevanın sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Ziyad Babayev 9 il azadlıqdan məhrum edilib.

Hacı Zeynalov